Bárður á Lakjuni hevur í fleiri umførum framført sangir hjá Cohen, og hesar konsertirnar hava verið serstakliga væl vitjaðar. Lagt verður upp til eina inniliga og forkunnuga konsert í hugnaligu kirkjuni í Oyndarfirði, har sangirnir hjá Cohen við føroyskum týðingum eftir Niels Midjord og Alexander Kristiansen vera í miðdeplinum við nærlagni og virðing.
Konsertin er ókeypis.
