Mynda- og ljóðframsýning av hersetingini. Opið er til kl. 19:00.
Akkordeon-orkestrið er mannað við mest framkomnu næmingunum hjá Annu Hüdepohl og hoyrir undir Tórshavnar Musikkskúla. Hesir næmingar hava fingið akkordeonundirvísing hjá Annu í nógv ár og hava drúgvar royndir í akkordeonspæli, samanspæli og kamartónleiki.
Í 2024 vann orkestrið 1. virðisløn á kamartónleikarkappingini „Crescendo“.
Saman við Annu Hüdepohl og Bernhardi Wilkinson fer Akkordeon-orkestrið á hesari konsert at framføra fjølbroyttan og hugtakandi tónleik eftir m.a. Edvard Grieg, Carlos Gardel, Herbie Hancock og Astor Piazzolla.
Konsertin er ókeypis.
Í samband við mentanarvikuna hjá Runavíkar kommunu í ár, 2025, fer Jón Magnus Joensen at hava eina málningarframsýning í gamla handlinum hjá Pidda í Runavík. Hetta er triðju ferð, hann sýnir fram her.
Handilshølini, ið langt síðan hava latið aftur, siga frá eini farnari tíð. Hetta eru gomul sjarmerandi hús í hugnaligum umvhørvi. Tey standa niðast við sjóvarmálan innast í Runavíkar havn, nærri Gulasteinsvegur 6 í Runavík.
Tiltakið er ókeypis. Opið er til kl. 18:00.
Jón Magnus er virkin málari og hevur havt mangar framsýningar ymsastaðni. Hann hevur luttikið á sensureraðum framsýningum. Jón hevur málað, síðan hann var ungur og hevur verið á listaskúla í Danmark eitt skifti.
Stílurin er ekspressionistiskur við naturalistiskum eyðkennum og við góðum litspæli og ljósi.
Jón er frá Argjum og býr á Toftum.
Framsýning við úvaldum originalum tekningum eftir Jóannes B. lamhauge úr bókini um Magnus Heinason.
Opið er kl. 15:00 - 18:00.
Kristina Thede Johansen og Ernst Remmel fara at hava konsert í Gjónni í Elduvík. Kristina spælir saksofon og Ernst trompet. Konsertin verður áleið ein hálvan tíma lang.
Um veðrið ikki verður til vildar, verður konsertin inni í kirkjuni í Elduvík. Konsertin er ókeypis.
Eftir konsertina ber til at bíleggja sær pláss til heimablídni og ein góðan bita hjá Fridu í Elduvík. Til ber at lesa meira um hetta tiltakið og keypa atgongumerki til heimablídni á atgongumerki.fo.
Vælkomin til heimablídni og ullahugna í Eldvuvík i Mentanarvikuni
Frida fer at borðreiða við heimabakaðum breyðivið turrum kjøti, skinsað kjøti, rullupylsu og rullusteik. Kjøtið er alt stuttfluttav egnum bóndagarði hjá henni og manninum, Pól Jóhannus. Omaná heimabakaðabreyðið við viðskera fer Frida at bjóða kaffi, te og okkurt gott afturvið.
Afturat øllum hesum hevur Frida spurt seg fyri hjá Spinnarínum við Ánna í Skopun um at koma framvið og greiða frá teirra virksemi. Tey fara at vísa á ullvøru og greiða frá, hvussu arbeitt verður við ull so sumat vinda tógv upp í hespu. Til tiltakið verður eisini møguligt at ogna sær vørufrá Spinnarínum við Ánna.
Kostnaður fyri tiltakið er 200 kr. + eitt avgreiðslugjald á 10 kr. pr. persón og til ber at keypa atgongumerki á atgongumerki.fo.
Seinasta freist at melda til tiltakið er fríggjadagin 25. apríl kl. 18.00.
Tiltakið er ókeypis. Opið er til kl. 18:00.
Vælkomin á hugnaliga konsert í Skála kirkju
Luttakandi eru Eiðis Ljómfelag, Magni Christiansen og Skála Streingjakór.
Aftaná konsertina eru øll vælkomin til ein drekkamunn í kirkjukjallaranum.
Tiltakið er ókeypis
Sharon Weiss skipar fyri dansi og Kristian Blak fyri tónleiki saman við øðrum. Sharon fer at læra okkum dansirnar, tað er ikki neyðugt at duga nakað frammanundan. Dansurin er fyri børn úr fólkaskúlaaldri og uppeftir.
Tiltakið er eitt samstarv millum Gulu Smiðju og Fólkatónleikarafelagið.
Ókeypis atgongd.
Jørgen-Frantz Jacobsen 125 ár - soleiðis sum vit síggja hann. Vit seta sjóneykuna á hansara skaldskap og samband inn á Skálafjørðin við framløgum, upplestri og orðaskifti. Tey, ið luttaka eru Bergur Rønne Moberg, Durita Dahl Andreasen, Bergur D. Hansen, Torbjørn Jacobsen, umframt at vit avdúka eina lokala verkætlan, sum er í umbúna.
Vit enda mentanarvikuna í ár við einari akustiskari konsert við Marius Ziska í hugnaligu kirkjuni í Rituvík. Saman við Magnus Johannessen fer Marius at framføra nøkur av sínum mongu góðu sangum.
Konsertin er ókeypis.
Sunnukvøldið 27. apríl kl. 19 verður fyrilestur við Susanne Barding í skúlanum á Skála. Hon fer at hugleiða um bókina hjá sær "Beàrnaraigh na Hearadh: Tis 50 Years Since - a Study of Life in a Hebridean Island Community", sum hon gav út í 2024. Tiltakið er ókeypis. Til ber at keypa sær kaffi/thé og kaku fyri 50 kr. Fornminnifelagið skipar fyri søluni.
Ársins teknikapping á Mentanarvikuni 2025. Evnið er: andlitsmyndir.
Lat tína tekning inn á Bókasavninum við Løkin ella á Skála bókasavni, og tú hevur møguleika at vinna góðar vinningar. Allar myndirnar koma upp at hanga - og til ber at koma á Bókasanvið við Løkin á Mentanarvikuni at tekna og fáa tær íblástur.
.png)
